ភ្នំពេញ៖ ព្រះមហាក្សត្រកម្ពុជា ព្រះករុណាព្រះបាទសម្តេចព្រះបរមនាថ នរោត្តម សីហមុនី បានឡាយព្រះហស្ត នាថ្ងៃទី១៣ ខែធ្នូ ឆ្នាំ២០២៣ លើព្រះរាជក្រឹត្យតែងតាំង លោក ប្រាជ្ញ ចន្ទ ជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប.) និងអនុប្រធាន និងសមាជិកចំនួន ៧រូបផ្សេងទៀត។

ព្រះមហាក្សត្រ តែងតាំង លោក ជឺ ចំណាន ជាអនុប្រធានគ.ជ.ប និងសមាជិកចំនួន ៧រូបទៀត រួមមាន លោក មាន សទិ លោក ឌឹម សុវណ្ណារុំ លោក សោម សូរីដា លោក ហេង ស៊ីឡេង លោក យិច សមិទ្ធិ លោក ហ៊ែល សារ៉ាត់ និងលោក ហង្ស ពុទ្ធា។

ក្នុងចំណោម សមាសភាពថ្នាក់ដឹកនាំគ.ជ.ប ទាំង៩រូបនោះ គឺមាន៤រូប គឺ លោក ជី ចំណាន លោក ហេង ស៊ីឡេង លោក យិច សមិទ្ធិ និងលោក ហ៊ែល សារ៉ាត់ ជាបេក្ខជនមកពីគណៈបក្សហ្វ៊ុនស៊ិនប៉ិច។ ក្រៅពីនោះមកពីគណបក្សប្រជាជនកម្ពុជា ខណៈលោក ហង្ស ពុទ្ធា ជាសមាសភាពដែលមានការយល់ព្រមពីគណបក្សទាំងពីរក្នុងសភា។

តាមការបញ្ជាក់ពីរដ្ឋសភា សមាសភាពថ្នាក់ដឹកនាំគណៈកម្មាធិការជាតិរៀបចំការបោះឆ្នោតថ្មីនៃនីតិកាលទី៧ រដ្ឋសភានេះ ត្រូវធ្វើសច្ចាប្រណិធាននៅព្រះបរមរាជវំាងជាមុនសិន មុនចូលកាន់តំណែង។

គណៈកម្មាធិការជាតិរៀបចំការបោះឆ្នោត ហៅគាត់ថា (គ.ជ.ប) មានសមត្ថកិច្ចក្នុងការធ្វើផែនការរៀបចំ និងចាត់ចែងការបោះឆ្នោតក្នុងទូទាំងប្រទេស ក្រោមបាវចនា ឯករាជ្យ អព្យាក្រឹត សច្ចៈ យុត្តិធម៌ តម្លាភាព៕